قصيدة “آشْ تسوا ليامْ” للزجال والشاعر حسن ميري
آش تسوى ليام
إيلا طاحت ف زحام
ومات الضمير بالحگرة
آش قيمة للمال
إيلا جا من لحرام
وعادت اللقمة جمرة
باش يفضل الجاه
إيلا طغى ف لحكام
تكبّر وصبح طفرة
آشمن ذوق ينگال
والقبضة شديدة حزام
والرحمة مقطوعة من شجرة
فين نور لحلام
إيلا الظلم عاود قام
بالشدة والسيف ف خطرة
آشمن غاية ف لكلام
إيلا تبدلت لقدام
تفلست ونسينا العشرة
آشمن قيمة ليتام
إيلا الدمعة جفت بلا سلام
وتبدلات لقلوب حجرة
آشمن قيمة لكلام
إيلا الحق تبدل اوهام
وتباع الضمير بالشهرة
علاش تايهين ف سراب لحلام
عايشين ف عز ظلام
واش مكتوبة علينا الضبرة.
